Kalifikazio irizpideak 

Jarrera

Jarrerak notari kentzeko edo gehitzeko balioko du, eta beti ere irakasleak erabakiko du kenketa edo gehiketa hori nola egin:

A) Ezinbestekoa da ikasleak euskaraz mintzatzea irakasleekin, ikaskideekin zein ikastetxeko edozein langilerekin; egingo ez duenari puntu 1 jeitsiko zaio ebaluazio bakoitzean eskuratzen duen kalifikazio orokorretik.

B) Lan-giroa. Honetan ere aldaketak gerta daitezke kalifikazio orokorrean:

• Ikaslea lanera lotzen zaio, lan giroa gordetzen du, parte hartzen du ariketetan, sakondu nahian ibiltzen da eta bere jarrera oso mesedegarria da bai bere buruarentzat, bai klase osoarentzat: + 1.
• Ikasleak lan giroa gordetzen du, baina ez du parte hartzen eta ez du aparteko ahaleginik egiten hobetzeko eta sakontzeko: bere horretan utzi.
• Ikasleak lan giroa kaltetzen du, ez du parte hartzen ariketetan eta bere jarrera txarra galgarri da bai bere buruarentzat, bai klase osoarentzat: -2.

Azterketa edo lan batean kopiatzeak edo kopiatzen uzteak ebaluazio horretan gehienez 4 bat lortzea suposatuko du.

Gaitasun gramatikala

Idazlanetan zein ahozko aurkezpenetan ez ezik, azterketetan ere kontuan hartuko dira akats ortografiko eta gramatikalak. Akats larri bakoitzeko 0,2 jaitsiko da nota, eta akats arin bakoitzeko 0,1. Kenketa horrek muga izango du, puntu 1 lehen zikloan eta 2 puntu bigarrenean. Hauek dira akats larritzat hartuko direnetako batzuk:

Landuko ditugun arloak eta ebaluazio bakoitzeko nota

Gure helburu nagusia da euskaraz komunikatzeko gaitasunak garatzea. Irakurmena, idazmena entzumena eta mintzamena dira lau trebetasun nagusiak. Lauei edukiena gehitu behar diegu (gramatika, literatura...) hiruhileko bakoitzean kalifikazioa horrela osatuko dugularik:

Koadernoa ebaluatzeko irizpideak honako hauek dira:

• Koadernoa egunero ekarri behar da.
• Gai bakoitzaren izenburua jarri hasieran.
• Argi utzi zein ariketa den (orrialdea eta ariketaren zenbakia jarriz).
• Data egunero.
• Gaizki egindako ariketak zuzenduta egongo dira (modu garbian eta ulerkorrean).
• Letra garbia egin.
• Orrien marjinak zaindu.
• Txukuntasuna (2-3 kolorez, orri askerik ez, marrazkirik ez…).

Oharrak

• Ebaluazioan, testu bakar bat ez sortzekotan, edukien balioa % 50 izango da.
• Ebaluazio batean proiekturik ez egotekotan, testuen sorkuntzaren, testuen ulermenaren eta edukien portzentaiei % 5 gehituko zaie.
• Testuen sorketan, edukietan eta proiektu guztietan gutxienez 4 atera behar da eta gainontzeko ataletan 3. Hortik beherako notak 0 bihurtuko dira batezbestekoa kalkulatu baino lehen.
• Ebaluazioa gainditzeko 5 behar da.
• Lan bakar bat ez emateagatik suspendituko da. Ebaluazioan, gehienez ere, 4 izango du.
• Orientatzailearen aholkuak entzunda, irakasleak eskubidea izango du hemen agertzen diren irizpideak aldatzeko, beti ere ikaslearen mesedetan bada.
• 5etik gorako notak biribiltzeko, hauxe izango da irizpidea:
  5,5 ? 6 / 6,5 ? 7 / 7,5 ? 8 / 8,5 ? 9 / 9,5 ? 10
  5 ? 5,4 / 6 ? 6,4 / 7 ? 7,4 / 8 ? 8,4 / 9 ? 9,4

Ekaineko nota, berreskuraketak eta iraileko azterketa

• Ekaineko nota hiru ebaluazioetako noten batezbesteko haztatua izango da. Ebaluzio bakoitzaren pisua hauxe izango da:

• Batezbestekoa ateratzeko ez da ebaluzioetan gutxieneko notarik eskatuko.
• Irakasgaia gainditzeko 5 behar da ekaineko batezbestekoan. Bestela, kurtsoan zehar gainditu gabe utzitako ebaluazioak berreskuratu egin beharko dira ekainean bertan. Ekaineko berreskuraketa horietan ebaluazioren bat gainditu ezean, irailean kurtso osoko azterketa egin beharko da.

Errekuperazio jarduerak. Aurreko mailetako gainditu gabeak

Euskal Hizkuntza eta Literatura ikasgaia suspenditu baina mailan aurrera egin duten ikasleek delako ikasgaia errekuperatuko dute baldin eta ondoko mailan lehenengo eta bigarren ebaluaketak gainditzen badituzte. Bestela apirila aldean jarriko den azterketa egin eta gainditu beharko du.