GERRA ZIBILA (1936-1939)
AURREKARIAK ETA ZERGATIAK
Altxamenduaren zergatiak
bilatzerakoan II Errepblikara joan beharko genuke,
hura bera izan baitzen arrazoi nagusia. Errepublikak suposatzen zuen askatasuna,berdintasuna
eta nazioaren eta estatuaren kontzeptu
berria. Errepublika irauten zuen neurrian aldaketa bakarrik indarra erabiliz
lortu zitekeela sinesten zutenak ugaritzen joan ziren. Hori frogatzeko 1936ko
tentsioa gogoratuko genuke (Castillo tenientea,Calvo Sotelo, manifestaldiak,mehatxuak,..)
Azkenik militarrek protagonismoa berreskuratu nahi izatea eta salbatzaile
bakarrak bezala been burua aurkeztea.
Bestalde altxamenduaren
aurrekariak bezala hartuko genituzke Sanjurjoren altxaldia 1932 an
erreforma militarra baldin bada ere arrazoi nagusia garbi dago Errepublikaren
kontra altxatzen dela. Beranduago 1934ko Asturiasko Iraultzaren errepresioa ere
uler daiteke gero gertatuko denaren aurrekari bezala. Ez da kasualitatea izanen
Franco bera izatea bi kasuetan protagonista bera eta metodo bera erabiliz
jokatzea. Azkenik aurrekari hurbila bezala hartuko genituzke 1936an hiru
militarrak (Franco,Goded eta Mola) hiru muturretara
bidali izanak konspirazio salaketagatik.
Frantzian
Fronte Popularra zegoen. Iritzi publikoa
errepublikaren alde zegoen, baina Frantziak Britania
Handiak erraten zuena egiten zuen. Britania Handiak
jarrera errepublikarren aldekoa izan arren, ez zion inolako laguntzarik eman
errepublikarrei eta neutral agertu zen, anaia arteko gerra zelako. Frantziak
berdina egin zuen. Espainiako errepublika laguntzarik gabe geratu zen eta bere
indarrekin egin behar izan zion aurre gerrari.
Hala
ere, Soviet Batasunetik laguntza etorri zen, beste
estatuetatik etorri ez zena hortik etorri zen. Hauentzat gerra zibilak izaera
berezia zuen, antza handia hartzen baitzioten 1917an gertatu zen iraultza
boltxebikeari. Alderdi komunistak indar handia zuela ikusi zuen Soviet Batasunak, faxismoaren kontrako gerra zela eta
gainera iraultza emanen zela pentsatzen zuten. Teknikariak bidali zituzten,
dirua eta armekin batera. Baina SESB oso urruti zegoen eta laguntzak
koordinatzea oso zaila zen. Laguntzak behar zirenean ez ziren ailegatu edo
berandu ailegatu ziren. Britania Handiak honela
justifikatu zuen gerran ez sartzea, errepublikarrak ezkertiarrak zirela.
Nazioarteko
brigadak izan ziren bertze laguntza. Ez ziren estatu baten laguntza ofiziala,
baizik eta estatu desberdinetako bolondresak.
Errepublikaren aldeko komiteak egin ziren. Honek laguntza handia eman zien
errepublikarrei, nahiz eta hauek asko ez egin. Pentsalari eta idazle famatuak
etorri ziren gerrara eta laguntza psikologikoa eman zieten. Hemen finkatu zen
Madrileko defentsa.
Hitler
izan zen Francoren babesik handiena. Ez zion Britania
Handiari kasurik egin, eta ez zuen neutraltasuna onartu. Francori behar zuen
guztia eman zion. Bien artean berdinketa bat zegoen, gobernu edo estatu
autoritario edo totalitarioa osatu nahi zutelako. Hitlerrentzat ona zen
hegoaldean estatu aliatu bat izatea.
Italian
Mussolini zegoen gobernuan. Espainiak hurbiltasun bat
zeukan, Primo de Riveraren diktadura. Italian Mussolinik berdintsua egin zuen. Antzekotasun handia zuten
biek eta dirua, armak eta gizonak bidali zizkion Francoren nazionalei.
Gerra
hau II. Mundu Gerrarako prestakuntza izan zen. Alde batetik estatu faxistak
zeuden, Italia eta Alemania, eta bestetik SESB, Britania
Handia eta Frantzia. Alemania eta Italiak bere indarra frogatu zuten, ez
baitzuten gerrarik entrenatzeko, eta Espainiakoa horretarako erabili zuten.
Kontrakotasun ideologikoa ere zegoen, demokrazia edo gobernu autoritarioa.
Horrela ulertu behar da II. Mundu Gerra. Europarrek alde bat aukeratu behar
zuten. Espainian autoritarismoa garaile suertatu zen eta Europan aldiz
autoritarismoak galdu egin zuen.
EKINTZA AZKARRA ETA BILAKAERA
Franco,
Mola eta Godedek ekintza azkarra izatea nahi zuten: Madril hartu eta gobernua
aldatu. Baina konplikatu egin zen eta gerra hasi zen. Molak Nafarroako laguntza
izan zuen eta Francok Andaluziakoa. Godedek aldiz Bartzelonan ez zuen
laguntzarik lortu anarko-sindikalistak ongi antolaturik zeudelako. Franco eta
Mola Madril setiatzera joan ziren, lehenengoa hegoaldetik eta bigarrena
iparraldetik. Madrilen espero ez zuten sendotasuna aurkitu zuten. Herritarrek
armak hartu zituzten (“no pasaran”).
Hemen hasi zen gerra, militarrek Madril hartu ez zutelako.
Gerra
geografikoki banaturik geratu zen. Industrialdeak eta hiriak errepublikaren
alde agertu ziren eta nekazal mundukoak altxamenduaren alde.
1936an
helburutzat Madril jarri zuten. Hasieran Madril ezin izan zuten menperatu eta
honek errepublikarrei itxaropena eman zien. Militarrek beste plangintza bat
jarri behar izan zuten martxan.
1937an
Molak iparralde guztia menperatu behar zuen. Gerrako gertakizunik gogorrenak
eman ziren, bertan erabili baitzen gero II. Mundu Gerran erabiliko zen taktika,
hiriak bonbardatzea. Gernika eta Durango bonbardatu ziren, nahiz eta ez ziren
militarki garrantzitsuak. Toki horietan izu handia sortu zen. Francok hegoaldea
menperatu behar zuen, Katalunia, Valentzia, Gaztela eta Madril, besteak
menperatuak zeudelako.
1938an Ebroko gudua gertatu zen. Armadak Ebro bitan banatu nahi zuen. Madril eta Bartzelona ziren errepublikarren bi gune nagusiak, eta nazionalek Ebro menperatuz, errepublikarrak banatuko zituzten eta horrela beraien arteko komunikazioak moztu. Lortu zuten bere helburua nazionalek.
1939an
Bartzelona hartu eta Madrilek errendizioa sinatu zuen. Politikari
errepublikarrek Valentziatik ihes egin zuten.
BILAKAERA POLITIKOA
Ezkertiarrek
errepublika mantendu zuten. Sozialistak, komunistak eta anarkistak
errepublikaren alde agertu ziren. Talde hau bitan banaturik agertzen zen,
teorikoak eta praktikoak. Agintariak eta ministroak teorikoak ziren. Bazekiten
zer egin behar zen eta maila horretan ezin hobeak ziren. Baina teoria asko
zituzten, eta korronte desberdinak zeuden. Komunistak bitan banaturik zeuden:
SESBen agindua jarraituz Franco menperatu behar zen. PCEk jarraitu zuen hori.
POUMentzat, PCEtzat bezala, gerra irabaztea ez zen nahikoa, iraultza ere eman
behar zen. Anarkisten ustez ere gerra iraultza bat zen eta gerra berez ez zen
garrantzitsua. Alderdiek ez zuten iritzi bateratua. Franco Bartzelona hartzear
zegoela, ezkertiarrak beraien artean hasi ziren tiroka, eta asko hil ziren.
Praktikoak
jende arrunta ziren, langileak, errepublika defendatzen zutenak. Teoria gutxi
zekiten eta praktikara joan ziren. Lurrak hartzera joan ziren, eta beste
tokietatik erraten zutenari ez zioten jaramonik egiten. Oso garbi zeukaten zer
egin behar zuten: lurrak hartu, enpresen zuzendaritzarekin batera.
Eztabaida guztiak gainditu ondoren Euskal
Autonomia onartu zen. EAJ eskuindarra eta katolikoa zen eta gobernu zentralak
beldurra zuen. Euskal Herrian EAJtik etorri zen eskaera. Gobernuko politikariak
eta Euskal Herrikoak ez ziren ongi konpontzen, estatuak elizarekin ezer jakin
nahi ez zuelako eta EAJk jainkoa beharrezkotzat jotzen zuelako. Honengatik, ez
zitzaion autonomia erraz emanen. Lehenengo eskaera Lizarrako Autonomi
estatutuarekin etorri zen. Lau lurraldeak batu ziren hasieran. Madrili ez
zitzaion gustatu estatutu hau eta ez zuen onartu. Hemen, Nafarroak beste hiru
probintziekin autonomi estatutua egitera uko egin zuen. Orduan Gernikakoa egin
zen, oraingoan hiru lurraldeak bakarrik. Onartzeko ez zituen aurrekoak bezain
beste arazo izan eta 1936an onartua izan zen.
Azkenean gerran errepublikaren alde agertu ziren.
Eusko jaurlaritzak iparraldeko defentsa antolatu zuen. Gerra bukatzean, sortu zen gobernuak, erbestean
Francori kritikak egin zizkion.
Komunistek
gerra irabazi nahi zuten eta antolamendua eta disziplina eman zieten
errepublikarrei. Izugarrizko erraztasuna erakutsi zuten gerran SESBeri esker.
Gerran aurrera joan ahala, komunisten eta anarkisten arteko desberdintasuna
handitu zen. Helburu nagusia gerra irabaztea izan harren, komunistak
komunismoa gauzatzen saiatu ziren,
enpresak hartuz eta estatuari emanez.
Anarkistek
iraultza burutzeko momentua zela ikusi zuten, dena hankaz gora jartzeko ordua.
Krisi ekonomikoa, soziala eta politikoa ematen ari zen eta hau aprobetxatu
behar zuten askatasuna lortzeko. Ministro anarkistak zeuden gobernuan.
Anarkistentzat estatua desegin behar zen, beraz estatu batean parte hartzea
zaila zen. Gobernuan sartu ziren iraultza egiteko. Zonalde batzuetan
kolektibizazioak eman ziren. Lurjabeak bota egin zituzten, indarrez edo aldegin
zutelako. Lur horiek jaberik gabe geratu ziren. Langileek beraientzat hartu
zituzten eta batean landu eta kudeatu zituzten, jabetza amankomun batean dirua
desegin zuten eta horren ordez tiketak erabili zituzten, janaria eta jantziak
lortzeko. Medikuntza eta botikak ez ziren ordaindu behar, irakaskuntza eta
ileapaindegia bezalaxe. Bizitza normaltasun handiz jarraitu zen.
Tradizionalentzat izugarrizko anarkia izan zen eta gerra bukatzean errepresioa
izugarria izan zen: gartzelara bizi
guztirako, gerran hilik edo exekutatuak.
Komunistek
ugazaben ondasunak sozializatu zituzten nagusi ziren lurraldeetan. Ondasun
hauek estatalizatzen ziren eta estatuak bere gain hartzen zituen. Anarkistak
nagusi ziren lurraldeetan lurrak langileentzat ziren (anarkistek ez zuten
estatua sinesten).
Ikusi
ez zen emakumearen protagonismoa eman zen, askotan errepublikar gizonen gogoz
kontra. Emakumeak ezin izan ziren frontera joan, gizonezkoek utzi ez zietelako.
Anarkista eta komunisten artean emakumeak beraien iraultza ematen saiatu ziren.
Emakume hauen artean Dolores Ibarruri “La Pasionaria” nabarmentzen da. Hain
ezaguna ez den emakumea ere badago, ministrari izatera ailegatu zen, Federica
Montseni katalana. Franco pasatzean, betiko egoerara itzuli zituzten, askotan
odolez.
Errepublikarrek gaur eguneko gizartea gainditu
zuten.
Eskuindarrak
ziren, CEDAri botoa eman ziotenak altxamendua defendatu zuten. Militarrak ere
hemen zeuden eta gobernu gogor bat nahi zuten. Eliza ere nazionalen alde agertu
zen eta altxamendua bedeinkatu zuen. Gurutzada bat bezala hartu zuten. Francori
ongi etorri zitzaion laguntza hau. Lurjabeen taldeak hasieratik egin zuen bat
altxamenduarekin, beren ondasunak galtzeko beldurra zutelako. Orokorrean, goi
mailako taldeek babestu zuten altxamendua.
Francok
ez zuen ideia politikorik eta estatu baten aurrean gobernuburu aurkezteko ez
zekien ezer. Falange Española eta JONS batu ziren, eta Francok hauen oinarri
politikoak hartu zituen. Ideia faxistak ziren, Hitler eta Mussoliniren estatuen
berdina: autoritarismoa (alderdi bat), sindikatu bertikala eta Espainian eliza.
Franco
altxatzearen arrazoiak hauek izan ziren: anarkia zegoelako, inolako aginterik
gabe. Erlijio katolikoa arriskuan zegoelako (ez zegoen arriskuan, baina bere
tokia galtzen ari zen, boterea). Batasuna ere arriskuan ikusten zuen autonomiak
zirela eta. Altxatu ziren, eskuindarrek beldurra zutelako bere egoera
pribilegiatua galtzeko.
Horrela,
gerran zehar gobernu bat eratu zen. 1936an Junta de Defensa Nacional eratu zen.
Hasieran ez zegoen garbi nor zen buru, baina Sanjurjo hiltzean Francok hartzen
du gidaritza. 1938an gobernu frankistaren izaera ikusten da: gobernu militarra.
Gerra irabazi eta Espainiari antolamendu berria eman nahi zion. Lurraldeak
lortzen zituen neurrian, bere gobernuan aplikatzen joan zen. Nekazal
erreformaren kontra agertu zen (errepublikan egindakoa kendu nahi zuen eta
aurreko egoerara itzuli). Sindikatu bakarra onartu zuen, sindikatu bertikala.
Sindikatu honek ez zuen ideia politikorik eta bai langileak eta bai ugazabak
bertan sartzen ziren. Autonomiak desegin ziren eta zentralizazioa nagusitu.
Eliza eta estatua bat ziren, ezin ziren berezi. Francok babes osoa eta
pribilegio guztiak eman zizkion. Erlijioa beharrezkoa zen hezkuntzarako. Elizak
Francori jainkoaren onespena eman zion.
Ondorio
ekonomikoak larriak izan ziren. Ekoizpenak behera egin zuen nabarmen.
Azpiegiturak deseginda geratu ziren. Inflazioa handia izan zen prezioak gora
egin zutelako. Eta azkenik hiriak ere zuzen zuzenean kaltetuak suertatu ziren
guduen ondorioz.
Zati
bat kanpoan geratu zen. Francok errepublikarrak desagertarazi zituen nolabait
ere. Ideia hauek desagertarazi nahi izan zituen: hil, espetxeratu, erbesteratu
edo mutu. Bizirik lurperatu zituzten, ez zituzten kontutan hartu, erabat
zapalduak utzi zituzten.
Hildakoak
400 000tik 1 000 000ra izan ziren. Ezin da zehazki jakin zenbat hil ziren.
Frontean zenbat hil ziren badakigu, baina ez errepresioa jasan zuten
herritarrenak.
II.
Mundu Gerraren prestakuntza izan zen. Hemengoa bukatu eta hura hasi zen.
Alemaniar eta Italiarrek armak hemen frogatu zituzten.
Gehiegikeriek
eta errepresioak luze jo zuten. Gerra 1939an bukatu arren, mendekuak,
errepresioak eta biolentziak urte askotan jarraitu zuten. Frankismoaren
ezaugarri bat izan zen: erregimenaren kontra agertzen zena akatzen
zuen.Autoritarismoa ukaezina da.