PROBABILITATE BANAKETA JARRAITUAK. BANAKETA NORMALA: ARIKETAK
1) Aurkitu k, f(x) funtzioa x aldagai jakin baten dentsitate-funtzioa izan
dadin. 
2) N(0,1) banaketa normal estandarra hartuta, kalkula itzazu ondoko
probabilitate hauek: p(x>1’6), p(x≤ -3’24) eta p(1’65 ≤ x ≤ 2’03).
3) 800 jaioberrien altuerak normal banatzen dira, eta 66 zentimetroko
batezbestekoa eta 5 zentimetroko desbiderapena dituzte. Kalkula ezazu zenbat
jaioberri espero genezakeen 65 eta 70 zentimetro bitarteko altuerak edukitzea.
4) Automobil batek erabiltzeko moduan iraun dezakeen denborari buruzko
azterketa batean, 16 urteko batezbestekoa eta bi urte eta erdiko desbiderapena
atera dira. Aldagai normal banatzen dela pentsatu eta kalkulatu probabilitate
hauek:
a) 19 urtetik gorako iraupena izateko probabilitatea.
b) 14 eta 17 urte bitarteko iraupena duten automobilen portzentaia.
5) Hurbildu B(500, 0’4) banaketa binomiala, normal batera.
6) Enpresa baten eguneroko batezbesteko diru-sarrerak 35560 eurokoa dira,
eta 2530 da desbiderapena. Arrazoi ezazu zentzuzkoa den egun batean 55000
eurotik gorako irabazpenak espero izatea, eta kalkulatu urtebeteko zenbat
egunetan espero den 40620 eurotik gorako salmentak izatea.
7) N(4,2) banaketa batean, kalkula ezazu a-ren balioa, honakoa bete dadin: p(4-a
≤ x ≤ 4+a) = 0’5934.
8) Enpresa handi batek bere 1000 langileentzako arropa berriak erosi behar
ditu. Batezbesteko altuera 170 zentimetrokoa da, eta desbiderapena 3
zentimetrokoa. Arropak hiru neurritan saltzen dira, 155 eta 165 zentimetro
bitartekoentzat direnak, 165 eta 175 zentimetro bitartekoentzat eta 175 eta
185 bitartekoentzat. Neurri bakoitzeko
zenbat arropa erosi beharko dituzte?
9) Azterketa estatistiko baten arabera, populazioaren % 30ak ETB1
telebistako katea du nahiago. 100 pertsonak osatutako lagin bat hartu eta jakin
nahi dugu horietako 40k ETB1 katea nahiago izateko probabilitatea.
10) Ontzi-garbigailu baten batezbesteko iraupena 15 urtekoa da eta 0’5 urtekoa da desbiderapena. Tresna horren erabiltzeko moduko iraupena normal banatzen bada, aurki ezazu ontzi-garbigailu bat erostean 16 urte baino gehiago irauteko probabilitatea.